Tl setur dl’ortopedia dl gramorin se tratera de n caje d’emergënza, canche na spangia di dënz gaujëia problems. Sce i problems é, mësson naota ciaré sce n paziënt á na spangia di dënz da podëi tó fora o na spangia fissa. Sc’an ciafa me de dënz o iritaziuns ales massëdles o ales jonjies, ne desson tl pröm caje nia plü mëte ite la spangia y contaté le plü snel ch’ara vá nosc stüde por fá fora n termin. Chësc pón fá por telefon (0474 555409) o por mail: info [at] willeit.it
N pü’ plü complicada éra sce la spangia di dënz é fissa, deache sc’ara fej me o cheriëia problems ne pón nia ma la tó fora bel debota. Porimpó desses ince te n te caje nes contaté plü snel ch’ara vá y nos ciararun atira da ves daidé.
Tla gran pert di caji pón implü ince se daidé instësc, almanco provisoriamënter.
Pro spanges di dënz fisses sozedel por ejëmpl tres indô, che un o l’ater „bracket“ che taca sön la suraspersa di dënz se destaches. N „bracket“ löcher messess pordërt atira gní fissé danü, mo sc’ara ne vá propi nia, spo pón bëgn ince n iade aspeté n per de dis. Sc’al ess da sozede messëise mefo nes lascé alsavëi ch’al é sozedü y fá fora n termin por incolé sö danü le bracket.
Al pó sozede che n fertrat se spaches. Te chësc caje desson atira cherdé sö te nosc stüde y fá fora n termin. Al vëgn desconsié da mëte man da ragagné instësc pro i fertrac, deache i „brackets“ podess se roviné. Al é trö plü n gran laur da i taché ite danü co da fá fora n termin y mudé le fertrat.
Sce n fertrat stá fora tan ch’al ficia tla massëdla, pól ester dër incomper. Sc’al ess da sozede val’ de te, lascesse atira adintëne por fá fora n termin. Implü podëise por intant ves daidé instësc. I desses porvé da stopé jö la piza che ficia cun na picia cogora ch’i podëis fá cun la cëra ch’i ëis ciafé para (o en caje d’emergënza cun na media da ciaugné zënza zücher).