Josef Willeit
Dr. univ. med.
Facharzt für
Kieferorthopädie
Facharzt für
Zahn-, Mund- und
Kieferheilkunde
Specialista in
ortognatondonzia
Medico chirurgo
specialista in odonto-
iatria e stomatologia
Spezialist de
ortodonzia
Spezialist de chirurgia
di dënz, patologies dla
bocia y odontoiatria
Str. Roma 3
I-39031 Bornech
T 0474 555 409
info [at] willeit.com
Chi che chir te Puster y tla Val Badia n team spezialisé por dortoré la posiziun dl gramorin y di dënz é te de bunes mans tl stüde dl dr. univ. med. Josef Willeit. Le stüde é a Bornech tla strada Roma 3 y é davert dal lönesc ala jöbia, dales 8.00 ales 13.00 y dales 14.00 ales 18.00. Vëndres y sabeda é le stüde stlüt.
[Chiló] ves mostrunse co ch’i podëis fá da rové plü saurí chiló da nos, olach’i podëis lascé l’auto y co ch’i podëis fá da nes contaté.
Sciöche vigni porsona é unica, insciö se desfarenziëia ince les posiziuns falades di dënz o dl gramorin da paziënt a paziënt. Nosc tratamënt vëgn chirí fora aladô dla situaziun individuala; la paleta dles terapies ch’i pitun vá dales spanges fisses ales spanges ch’an pó tó fora, dai aparac cun na funziun ortopedica por i gramorins ai tratamënc complicá che pó se damané na [operaziun chirurgica dl gramorin].
Deach’i savun che degügn ne se conforta da jí dal ortoped dl gramorin, fajunse döt le poscibl por che i paziënc se sëntes dagnora te de bunes mans. Porchël unse dantadöt n [Team] de profescionisć competënt y tres ajorné, y spo ince n stüde cun n’atmosfera da se sté saurí, davert, dër lominus y cun i aparac plü moderns.
Al é tler ch’i ti dun tröpa importanza al’igiena y ala sterilisaziun. Y döt ci ch’an pó ma adoré un n iade, vëgn sambëgn desgort te na manira ch’al ne pëses nia sön l’ambiënt.
Vigni tratamënt ortopedich dl gramorin mët man cun na vijita, olach’al vëgn impröma ciaré do ci sort de [spostamënt di dënz o di gramorins] che le paziënt á. La pröma vijita é debann y al vëgn aconsié da ti la lascé fá ince ai mituns do ch’ai á complí i [cin’ agn].
Do la pröma [diagnosa] vëgnel fat le secundo vare, chël da documenté avisa olach’ara fala. Al vëgn porchël fat fotografies, radiografies y n stamp dla dentöra. Söla basa de chësta documentaziun vëgnel fat n plann de tratamënt che ti vëgn splighé avisa al paziënt. Chësc plann mostra sö tl detail ci mosöres ch’al vëgn adoté por la terapia y tan dî ch’ara döra. Implü ti vëgnel fat al paziënt n preventif avisa de ci che döt costa.
Te vigni fasa dl tratamënt vëgn le paziënt assistí cun competënza da nosc [Team ]). Sambëgn adorunse ince la colaboraziun dl paziënt, deache ma sce le paziënt tol pert ativamënter, podunse rové a n resultat otimal. Y [sc’al ess da sozede val’ nia de preodü], bastel na telefonada, por ch’i podunse atira daidé.
A chësta domanda ne vára nia da respogne en general, deache i cosć depënn dala sort de spostamënt y dala sort de terapia ortopedica dl gramorin ch’an adora. Al é tler che vigni paziënt vëgn informé avisa sön i cosć dl tratamënt. En ocajiun dla pröma incuntada che é debann, vëgnel fat na diagnosa y al vëgn sciazé alingroia tan che döt pó costé.
Do la pröma diagnosa vëgnel fat n’analisa individuala, sön la basa de chëra ch’al vëgn spo fat n plann detaié dla terapia. Canche la sort y la dorada dl tratamënt é gnüdes definides te na manira tlera, pón ince dí tan ch’al costa. Bele denanco mëte man le tratamënt ti vëgnel porchël dé al paziënt n preventif detaié.
Deach’i un valgamia tröpa esperiënza te chësc setur, dunse, adöm cun le preventif, ince dötes les informaziuns nezesciares sön les poscibilités de ciafé na retüda de spëises dala Cassa de maratia. I paziënc pó porchël bele dan le tratamënt se fá na idea tlera de tan ch’ai vëgn a spëne.
