Na formaziun solida, ajornamënc demeztrú y tröc agn d’esperiënza: chisc é i pilastri sön chi che la cariera dl dr. Josef Willeit, dotur chirurgh, se basëia. Dan da oramai 35 agn á le dr. Willeit stlüt jö so stüde de medejina tl’Université de Padua, jon inant cun le stüde de spezialisaziun de medejina di dënz, dla bocia y dl gramorin tl’Université da Desproch.
Desproch é ince stada la pröma staziun dla cariera profescionala dl dr. Willeit. Tla clinica universitara ál lauré deplü agn sciöche assistënt y dotur nominé por la formaziun tles repartiziuns de chirurgia dl gramorin y dl müs, d’odontoiatria y d’ortopedia dl gramorin.
La secunda staziun é stada Erding dlungia München, olache le dr. Willeit á fat esperiënza profescionala te na gran clinica d’ortopedia dl gramorin, denanco rové indô derevers te süa patria, la Val de Puster. Dal 1989 incá se crüziel de paziënc che mëss fá tratamënc ortopedics dl gramorin. Tl 2010 ál implü ciamó arjunt le titul de dotur spezialisé por l’ortopedia dl gramorin.
Dal 2012 incá é le dr. Willeit mëmber atif dla A.S.I.O., l’Assoziaziun profescionala taliana di ortopeg dl gramorin, che ti dá la poscibilité da se formé y se istruí inant demeztrú. Implü, por ester dagnora ajorné sön les ultimes novités tl ciamp scientifich, terapeutich y tecnich tól le dr. Willeit regolarmënter pert a manifestaziuns y congresc internazionai.
