[scines Invisalign] (www.invisalign.de) é na sort de „aligner“, sciöch’al ti vëgn dit, praticamënter scines por i dënz fates de n material artifizial dër fin y trasparënt, ch’ares n’é oramai nia plü da odëi y che esist por i jogn y por porsones adultes. Ares n’é nia ma n’alternativa ai „brackets“ classics por n gröm de sorts de spostamënt, mo ince na soluziun amesaite danter na spangia di dënz fissa y öna ch’an pó tó fora. Co vá pa val’ de te? Al é dër scëmpl: an mëss avëi les scines de de y de nöt, mo an pó les tó fora da mangé y da se lavé i dënz. Mo ma dailó.
Sce i dënz spostá vëgn tratá cun le sistem Invisalign, vëgnel impröma arjigné ca na ligna de scines adatades por la porsona che les ciafa. Deache ares vëgn fates sön mosöra stares sö bun y por la manira te chëra ch’ares vëgn fates les vëigon apëna söi dënz. I „aligner“ vëgn spo mudá fora dai paziënc instësc, che nen mët ite vigni döes edemes n per de nüs y ciara che i dënz vëgnes sborlá tla posiziun odüda dant.
Sce Invisalign é la dërta soluziun por os, chël stlariunse deboriada do la diagnosa, canch’i baiun te na manira detaiada dla situaziun de ösc dënz y dles poscibilités de tratamënt.